09:33 pm - Яшчэ трохі старых перакладаў - Ягор Летаў па-беларуску-2!
Ходзіць блазен крочыць па лесе
Адшукаць бы дзе каго дурнейшых за сябе
Ідзе Сьмерць па вуліцы, нясе спод пляцак ў людцы
Каму атрымаць - таму і напаткаць
Дакранецца да пляча, пацалуе горача
Палятуць грашы ды з расхрыстанае душы
Ходзіць блазен крочыць па лесе
Адшукаць бы дзе каго дурнейшых за сябе
А зубчастыя колы туркацяць ў галаве
У замяклай галаве пад кулямётным дажджом
Закіпела іртуць, замахнуўся куксой -
Але калі на грудзі крыж, дык па засталаму касой
Ходзіць блазен крочыць па лесе
Адшукаць бы дзе каго дурнейшых за сябе
Ўноч нябожчыца-маці ўчора да мяне прыйшла
Пагражала кулаком, менавала блазьнюком
На сьвітаньні камар абрынуўся ў мой пажар
Захлынуўся быў крывёю што раздавала скронь
Ходзіць блазен крочыць па сьвеце
Адшукаць бы дзе каго дурнейшых за сябе
А вось сёньня я набыў паветраных шароў
Палячу на іх над чароўным панствам сноў
Буду пух глынаць, у зямлю нырца даваць
Ды на ўсе пытаньні ім кажы: "ЗАЎЖДЫ ЖЫВЫ!"
Ходзіць блазен крочыць па небе
Адшукаць бы дзе каго дурнейшых за сябе
Сьвяціла сонейка і ноччу і ўдзень
Нельга на вайне бяз Бога дзе агню навісьне сьцень
Першым прыйдзе сьляпы, пераможа найгоршы
Такое б вы і прадбачыць не маглі
Ходзіць блазен крочыць па лесе
Адшукаць бы дзе каго дурнейшых за сябе
Ходзіць блазен крочыць па лесе
Адшукаць бы дзе каго дурнейшых за сябе
Current Music: ГО
|
![[info]](http://l-stat.livejournal.com/img/userinfo.gif){kind=small}
karyzna's journal
